Mount í leik með Chelsea.
Mason Mount hefur beðið æðstu menn hjá Chelsea afsökunar á því að hafa farið út í fótbolta þegar hann átti að vera í sóttkví.
Callum Hudson-Odoi, leikmaður Chelsea, greindist með kórónaveiruna í síðustu viku og allur leikmannahópurinn á að vera í sóttkví.
Mount fór ekki eftir því. Hann sást í fótbolta með Declan Rice, besta vini sínum og miðjumanni West Ham, síðasta sunnudag. Þessi hegðun þótti ekki upp á marga fiska hjá enska miðjumanninum sem fékk áminningu frá Chelsea.
Þess má geta að Rice átti ekki að vera í sóttkví.
Hlé hefur verið gert á ensku úrvalsdeildinni til 4. apríl að minnsta kosti út af kórónuveirunni.
Athugasemdir
