Dómstóll Guardian hefur lagt sitt mat á það hvernig Ole Gunnar Solskjær ætti að taka til í leikmannahópi Manchester United í sumar.
Markverðir:
David de Gea - HALDA. Þrátt fyrir að hann hafi ekki átt sitt besta tímabil yrði öflugt fyrir United að halda honum.
Sergio Romero - HALDA. Hefur alltaf verið áreiðanlegur þegar á honum þarf að halda.
Varnarmenn:
Ashley Young - BURT. Verður 34 ára í sumar og er búinn að dala mikið.
Antonio Valencia - BURT. Samningur hans rennur út í sumar.
Diogo Dalot - HALDA. Þessi tvítugi bakvörður getur leyst bakverðina báðum megin og einnig spilað á miðjunni.
Chris Smalling - BURT. Ekki nógu afgerandi.
Phil Jones - KANNSKI HALDA. Hefur sýnt betri frammistöðu í miðverðinum en Smalling en á það þó til að bregðast á mikilvægum augnablikum.
Victor Lindelöf - HALDA. Hefur litið best út af miðvörðum Manchester United.
Eric Bailly - HALDA. Hefur farið ranga leið síðan hann kom til félagsins 2016 en býr yfir hraða.
Marcos Rojo - BURT. Sífellt meiddur og er ekki sannfærandi þegar hann spilar.
Luke Shaw - HALDA. Hefur bætt sig á þessu tímabili en þarf að bjóða upp á meira sóknarlega.
Matteo Darmian - BURT. Hefur algjörlega horfið af sjónarsviðinu.
Miðjumenn:
Paul Pogba - HALDA. Yrði enn betri ef hann fengi betri leikmenn í kringum sig.
Nemanja Matic - BURT. Hægir á spili liðsins.
Fred - KANNSKI HALDA. Góður upp á breiddina í mesta lagi.
Ander Herrera - BURT. Getur hann stýrt leikjum eins og Fernandinho? Nei.
Scott McTominay - HALDA. Skoski landsliðsmaðurinn getur nýst vel.
Sóknarleikmenn:
Juan Mata - BURT. Hefur þjónað United vel en er of hægur og hættur að hafa sömu áhrif og hann hafði.
Jesse Lingard - HALDA. Skín í leikjum gegn andstæðingum sem eru lægra skrifaðir en á í vandræðum í stórleikjum.
Andreas Pereira - BURT. Hefur hæfileika en of gjarn á að gera mistök.
Alexis Sanchez - BURT. Hefur aldrei náð að standa undir væntingum.
Romelu Lukaku - HALDA. Belginn gæti nýst vel.
Marcus Rashford - HALDA.Einn af fáum leikmönnum United sem gætu orðið Í heimsklassa.
Anthony Martial - HALDA. Með mikla hæfileika en þarf að sýna meiri löngun.
Niðurstaða:
Halda: 12
Burt: 10
Kannski halda: 2
Athugasemdir