„Öryggið uppmálað í búrinu. Varði það sem á markið kom og greip inn í mýmargar fyrirgjafir. Frábær leikur sem hún sýndi stoltri móður sinni sem er í heimsókn á landinu og sat í stúkunni og fylgdist með," skrifaði Sverrir Örn Einarsson í skýrslu sinni úr sigri Keflavíkur á Stjörnunni.

Keflavík vann leikinn 1-0 þrátt fyrir að vera með átta sinnum lægra xG en Stjarnan í leiknum.

Stjarnan átti 28 skot að mark og þrettán þeirra fóru á markið.

Tölfræðin lýgur ekki og er Samantha búin að vera langbesti markvörður Bestu deildarinnar í sumar, allavega ef miðað er við 'prevented goals' tölfræðina. Þar er verið að blanda saman gæði tilrauna sem koma á markið og markafjölda. Keflavík er búið að fá á sig 13 mörk, en þau væru miklu fleiri ef liðið væri ekki með svona frábæran markvörð.

Miðað við þessa tölfræði er Samantha búin að koma í veg fyrir meira en tíu mörk sem er miklu meira en næsti markvörður. Þetta er í raun galin tölfræði þegar mótið er bara hálfnað.

Sjá einnig:
Sterkust í 1. umferð - Ana Paula Santos Silva (Keflavík)
Sterkust í 2. umferð - Samantha Leshnak Murphy (Keflavík)
Sterkust í 3. umferð - Arna Eiríksdóttir (Þór/KA)
Sterkust í 4. umferð - Ásta Eir Árnadóttir (Breiðablik)
Sterkust í 5. umferð - Júlíana Sveinsdóttir (ÍBV)
Sterkust í 6. umferð - Sandra Sigurðardóttir (Valur)
Sterkust í 7. umferða - Birta Georgsdóttir (Breiðablik)
Sterkust í 8. umferð - Katla Tryggvadóttir (Þróttur R.)