Elli Eiríks dæmir stórleik KR og Breiðabliks

Málarameistarinn Erlendur Eiríksson mun dæma stórleik KR og Breiðabliks í Pepsi Max-deildinni annað kvöld, leikurinn hefst klukkan 19:15.

Erlendur er reyndasti starfandi dómari landsins og verður hann með Jóhann Gunnar Guðmundsson og Gylfa Már Sigurðsson sem aðstoðardómara. Jóhann Ingi Jónsson verður fjórði dómari.

Erlendur fékk tíu í einkunn þegar hann dæmdi leik Fylkis og KA í síðustu umferð.

„Málarameistarinn og hans teymi sýndu frábæra frammistöðu. Björn Kuipers okkar Íslendinga dæmdi leikinn óaðfinnanlega," var skrifað í skýrslu um leikinn hér á Fótbolta.net.