Inter lagði Olympiakos að velli með mörkum frá Federico Dimarco og Marcus Thuram, en Dimarco þurfti að fara meiddur af velli í verðskulduðum 2-0 sigri.

Atalanta tapaði þá gegn Juventus þar sem Jonathan David og Dusan Vlahovic sáu um markaskorunina fyrir Juve áður en Lazar Samardzic minnkaði muninn. Lokatölur 1-2 í nokkuð jöfnum slag.

Roma gerði svo jafntefli við Neom frá Sádi-Arabíu þrátt fyrir að taka forystuna í tvígang. Mörk frá Bryan Cristante og Matias Soulé nægðu ekki því Saïd Benrahma og Faris Abdi jöfnuðu metin.

Abdoulaye Doucouré, Marcin Bulka, Ahmed Hegazy og Alexandre Lacazette voru einnig meðal leikmanna í liði Neom.

Bologna tapaði óvænt gegn OFI Crete frá Grikklandi þrátt fyrir mörk frá Riccardo Orsolini og Jens Odgaard. Lokatölur 2-4.

Á sama tíma vann Lazio 2-0 gegn Atromitos með mörkum frá Tijjani Noslin og spænsku kempunni Pedro sem er enn að.

Inter 2 - 0 Olympiakos
1-0 Federico Dimarco ('16)
2-0 Marcus Thuram ('53)

Atalanta 1 - 2 Juventus
0-1 Jonathan David ('73)
0-2 Dusan Vlahovic ('77)
1-2 Lazar Samardzic ('90)

Roma 2 - 2 Neom
1-0 Bryan Cristante ('25)
1-1 Said Benrahma ('26)
2-1 Matias Soule ('32)
2-2 Faris Abdi ('38)

Bologna 2 - 4 OFI Crete
1-0 Riccardo Orsolini ('10)
1-1 T. Fountas ('47)
1-2 G. Theodosoulakis ('50)
2-2 Jens Odgaard ('54)
2-3 T. Fountas ('73, víti)
2-4 Eddie Salcedo ('92)

Lazio 2 - 0 Atromitos
1-0 Tijjani Noslin ('76)
2-0 Pedro ('90)
Rautt spjald: Taty Castellanos, Lazio ('30)
Rautt spjald: Mansur, Atromitos ('30)