Spænska knattspyrnusambandið og spænska deildin buðu liðunum að spila á Santiago Bernabeu en bæði félög neituðu boðinu.

Stefnan er því að spila El Clasico á Nou Camp í desember þar sem stór mótmæli eru skipulögð í Barcelona 26. október.

Þá eru miklar líkur á því að Börsungar þurfi að taka rútu í leik sinn gegn Eibar um helgina vegna mótmæla á flugvellinum í Barcelona.

Mótmælendur hafa verið áberandi í Barcelona undanfarna daga en þeir hafa verið að mótmæla fangelsisdómum leiðtoga aðskilnaðarsinna sem vilja sjálfstæði Katalóníu.