Mason Greenwood er búinn að skrifa undir fjögurra ára samning við Manchester United sem gildir út júní 2023, með möguleika um framlengingu til 2024.
Greenwood er 18 ára sóknarmaður sem Ole Gunnar Solskjær og starfsteymi hans hefur miklar mætur á. Hann hefur komið við sögu í sex úrvalsdeildarleikjum á tímabilinu án þess að skora. Hann er þó búinn að skora í deildabikarnum og Evrópudeildinni.
Greenwood er þriðji í goggunarröðinni sem fremsti sóknarmaður Rauðu djöflanna eftir Marcus Rashford og Anthony Martial.
Greenwood hefur gert tvö mörk í fjórtán leikjum fyrir yngri landslið Englands.
A new long-term #MUFC deal for @_MasonGreenwood! ✍️
— Manchester United (@ManUtd) October 18, 2019
Athugasemdir