18.11.20 - 14:01
Elvar Geir Magnússon
„Kári er algjör skylmingarþræll"
Kári Árnason.
Mynd: Fótbolti.net - Hafliði Breiðfjörð
Kári Árnason.
Mynd: Fótbolti.net - Hafliði Breiðfjörð
„Kári er algjör skylmingarþræll," segir Guðjón Þórðarson, fyrrum landsliðsþjálfari, við Valtý Björn Valtýsson í þættinum Mín skoðun.
Kári Árnason er orðinn 38 ára og leikur væntanlega sinn síðasta landsleik gegn Englandi í kvöld. Hann hefur átt magnaðan landsliðsferil og hægara sagt en gert að fylla hans skarð.
Kári Árnason er orðinn 38 ára og leikur væntanlega sinn síðasta landsleik gegn Englandi í kvöld. Hann hefur átt magnaðan landsliðsferil og hægara sagt en gert að fylla hans skarð.
„Það er leitun af þessum baráttujöxlum eins og honum. Það sem er best í þessu er að hann hefur alltaf verið tilbúinn að setja hausinn á sér í hættuna og leitt með fordæmi. Bæði þegar hann kemur sér í varnarstöðuna þegar hann hendir sér í hættuna hvar og hvenær sem er og hefur svo sjálfur skorað og lagt upp og verið sterkur póstur í föstum leikatriðum," segir Guðjón.
„Hann er karakter sem getur tapað leikjum en er ekki sigraður. Það er eitthvað sem þarf að líta til eins og á aðra þætti."
„Það er ekki sjálfgefið að menn á þessum aldri séu valdir í landsliðið. Kári hefur átt það frábæran feril að hann getur sett punktinn yfir i-ið í þessum leik í kvöld."
Það eru breytingar framundan hjá íslenska landsliðinu en Erik Hamren lætur af störfum eftir leik í kvöld og þá verða ákveðin kynslóðaskipti.
„Það er mikilvægt að smíða nýja liðsheild en það fer enginn inn í landsliðið nema hann sýni að hann sé þess verðugur. Það eru margir ungir og efnilegir leikmenn færir en það þarf líka að velja sterka karaktera til að takast á við þetta. Við eigum ekki haug af mönnum en eigum nokkra efnilega sem geta stigið inn í þetta," segir Guðjón.
„Ég kvíði ekki framtíðinni í íslenska boltanum. Það er spennandi fyrir þá sem taka við liðinu að takast á við þessa áskorun. Það er mikill efniviður fyrir framan þá og í bland eru reyndir menn áfram. Það eru ekkert allir að hverfa þó breytingar séu framundan."
„Hann er karakter sem getur tapað leikjum en er ekki sigraður. Það er eitthvað sem þarf að líta til eins og á aðra þætti."
„Það er ekki sjálfgefið að menn á þessum aldri séu valdir í landsliðið. Kári hefur átt það frábæran feril að hann getur sett punktinn yfir i-ið í þessum leik í kvöld."
Það eru breytingar framundan hjá íslenska landsliðinu en Erik Hamren lætur af störfum eftir leik í kvöld og þá verða ákveðin kynslóðaskipti.
„Það er mikilvægt að smíða nýja liðsheild en það fer enginn inn í landsliðið nema hann sýni að hann sé þess verðugur. Það eru margir ungir og efnilegir leikmenn færir en það þarf líka að velja sterka karaktera til að takast á við þetta. Við eigum ekki haug af mönnum en eigum nokkra efnilega sem geta stigið inn í þetta," segir Guðjón.
„Ég kvíði ekki framtíðinni í íslenska boltanum. Það er spennandi fyrir þá sem taka við liðinu að takast á við þessa áskorun. Það er mikill efniviður fyrir framan þá og í bland eru reyndir menn áfram. Það eru ekkert allir að hverfa þó breytingar séu framundan."
Guðjón Þórðarson.
Mynd: Fótbolti.net - Hafliði Breiðfjörð
