Jóhannes Karl Guðjónsson, þjálfari ÍA, var að vonum sáttur eftir 1-0 sigur sinna manna gegn Breiðablik í Pepsi Max-deild karla í kvöld. Sigurmarkið kom undir lok leiks.

„Við fengum það sem að við ætluðum úr þessum leik. Hlutirnir gengu ágætlega upp hjá okkur. Strákarnir lögðu gríðarlega mikið á sig til að loka á Blikanna og meðan að við höldum hreinu dugar eitt mark til að vinna leikinn."

Lestu um leikinn: Breiðablik 0 -  1 ÍA

Leikurinn var ekki mikið fyrir augað en vörn beggja liða var gríðarlega þétt og því var lítið af marktækifærum.

„Ég held að þeir hafi ekki fengið eitt einasta færi. Við vissum að ef að við myndum loka miðsvæðum myndu þeir setja inn mikið af krossum inní teiginn sem að við vörðumst vel. Þeir í rauninni áttu engin svör við þéttleika hjá okkur."

Skagamenn eru nýliðar í deildinni en þeir hafa farið frábærlega af stað og eru eftir í deildinni með 13 stig þegar að fimm umferðir eru búnar.

„Við vitum að þegar að hlutirnir heppnast hjá okkur þá getum við unnið hvaða lið sem er. Þetta er trúin sem að hópurinn hefur á það sem að við getum gert." sagði Jói Kalli að lokum.

Nánar er rætt við Jóhannes Karl í spilaranum að ofan.

STUÐNINGSSVEIT
FÓTBOLTA.NET

Hjálpaðu okkur að halda áfram

Þrátt fyrir að enginn fótbolti sé spilaður næstu vikurnar mun umfjöllun okkar halda áfram.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit