Margrét Lára fagnar í leiknum gegn Slóveníu.
„Ég reikna með að þeir sem mættu á föstudaginn mæti aftur á morgun og 2000-3000 til. Þetta verður vonandi jafn skemmtilegt og á föstudaginn," sagði landsliðsfyrirliðinn Margrét Lára Viðarsdóttir við Fótbolta.net í dag.
Rúmlega 6000 áhorfendur sáu Ísland vinna Slóveníu á föstudaginn og Margrét vonast eftir að sjá fleiri á vellinum gegn Skotum klukkan 17:00 á morgun. Margrét vonast til að áhorfendametið verði slegið en það er 6647 áhorfendur.
Rúmlega 6000 áhorfendur sáu Ísland vinna Slóveníu á föstudaginn og Margrét vonast eftir að sjá fleiri á vellinum gegn Skotum klukkan 17:00 á morgun. Margrét vonast til að áhorfendametið verði slegið en það er 6647 áhorfendur.
„Við erum í dauðafæri til þess að slá það og við erum í dauðafæri til að fylla þennan völl. Við erum komnar á EM og það er engin pressa nema á að spila góðan leik. Okkur langar að þakka þessu góða fólki sem kemur að horfa á okkur með góðum leik og við viljum sýna og sanna að við séum besta liðið í þessum riðli."
Ísland sigraði Skotland 4-0 fyrr á þessu ári en Margrét býst við erfiðari leik á morgun.
„Við áttum toppdag í Skotlandi og þær sinn versta. Fótbolti er þannig að maður þarf yfirleitt að toppa sig til að ná úrslitum. Við ætlum að reyna að ná því fram á morgun," sagði Margrét.
Hér að ofan má sjá viðtalið í heild sinni.
Athugasemdir
