Belgía vann í gær 4-2 sigur á Danmörku í úrslitaleik um sæti í undanúrslitum Þjóðadeildarinnar.

Romelu Lukaku skoraði tvívegis fyrir Belga og þeir Youri Tielemans og Kevin De Bruyne skoruðu sitt markið hvor.

Jonas Older Wind sá til þess að staðan var 1-1 í leikhléi en eftir tvö mörk Lukaku í seinni hálfleik komust Danir aftur inn í leikinn á 86. mínútu. Belgar voru að spila frá markverði þegar boltinn barst á Nacer Chadli.

Chadli sendi boltann til baka á Thibaut Courtois í markinu en Courtois gleymdi að taka á móti boltanum, eins og hann væri þegar farinn í það ferli að senda boltann, þegar boltinn kom til hans. Boltinn fór undir fótinn á Courtois og í netið. Á sumum stöðum er sjálfsmarkið skráð á Chadli en annars staðar á Courtois sjálfan.

Sem betur fer fyrir Courtois skoraði De Bruyne mínútu seinna og innsiglaði sigurinn.

Smelltu hér til að sjá mistökin skrautlegu.

STUÐNINGSSVEIT
FÓTBOLTA.NET

Tryggjum framtíð Fótbolta.net

Fótbolti.net er eini stóri fjölmiðillinn á Íslandi sem nýtur ekki ríkisstyrkja.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit