Everton er að fara að spila þrjá leiki í vikunni og Gylfi mun taka þátt í þeim öllum að sögn Ronald Koeman, stjóra Everton.

„Ég hef ekki áhyggjur af standinu á honum," sagði Koeman, en Everton á leiki gegn Man City (á morgun), Hadjuk Split (á fimmtudaginn) og Chelsea (á sunnudaginn).

„Auðvitað þarftu spiltíma sem leikmaður og til þess að vera 100% þá þarftu að spila leiki á undirbúningstímabilinu. En hann er í góðu standi, hann er góður atvinnumaður."

„Hann fær tíma. Það er erfið vika framundan. Hann mun taka þátt i öllum leikjunum sem við erum að fara að spila."