Andy Carroll spilar væntanlega sinn fyrsta leik með Newcastle á þessu tímabili þegar liðið mætir Brighton á heimavelli síðdegis á morgun.
Hinn þrítugi Carroll kom frítt til Newcastle á lokadegi félagaskiptagluggans í sumar eftir að samningur hans hjá West Ham rann út.
Carroll hefur verið frá keppni vegna ökklameiðsla á þessu tímabili en er nú klár í slaginn.
„Hann kemur við sögu og það eru góðar fréttir fyrir okkur," sagði Steve Bruce, stjóri Newcastle, á fréttamannafundi í dag.
Carroll ólst upp hjá Newcstle en hann fór til Liverpool í janúar 2011. Meiðsli hafa leikið hann grátt undanfarin ár og síðasti leikur hans var í febrúar á þessu ári.
Athugasemdir
