Þýski framherjinn Timo Werner hefur bæst í hóp knattspyrnustjarna sem leggja hluta af launum sínum til góðgerðarstarfsemi.
Werner gekk til liðs við Common Goal átakið sem Juan Mata hrinti af stað í samstarfi við streetfootballworld í ágúst 2017.
Síðan þá hafa margir knattspyrnumenn og þjálfarar bæst við átakið þar sem þeir gefa 1% launa sinna. Jürgen Klopp og Paulo Dybala hafa bæst við á síðustu 18 mánuðum auk Wilfried Zaha sem gefur 10% launa sinna.
Werner, 24 ára, fær um 300 þúsund evrur í vikulaun hjá Chelsea.
Athugasemdir