Ryan Mason varð í kvöld yngsti knattspyrnustjórinn í sögu ensku úrvalsdeildarinnar er hann stýrði Tottenham Hotspur í 2-1 sigrinum á Southampton.
Mason stýrir Tottenham út þessa leiktíð eftir að Jose Mourinho var rekinn frá félaginu á mánudag.
Englendingurinn átti ágætis knattspyrnuferil en fékk þungt höfuðhögg í leik gegn Chelsea árið 2017 eftir skallaeinvígi við Gary Cahill.
Ári síðar lagði hann skóna á hilluna og ákvað að snúa sér að þjálfun en hann hefur þjálfað yngri lið Tottenham undanfarin ár og fékk svo loks kallið hjá aðalliðinu á mánudag.
Mason, sem er aðeins 29 ára gamall, er yngsti stjórinn í sögu deildarinnar en Attilio Lambardo átti metið. Lambardo var 32 ára og 67 daga gamall þegar hann stýrði Crystal Palace árið 1998.
Athugasemdir