Gekk ekki alveg upp í fyrra
Víkingur vann einungis þrjá leiki á síðasta tímabili, gerði átta jafntefli og náði í sautján stig á töfluna. Með sigrinum á Breiðabliki síðasta sunnudag náði liðið í sinn þriðja sigur í ár og er liðið með tíu stig eftir fyrstu fjórar umferðirnar.
Arnar Gunnlaugsson, þjálfari Víkings, stefndi mjög hátt á síðasta tímabili, stefndi á sjálfan toppinn. Það gekk aldeilis ekki. Arnar var spurður út í þetta í viðtali eftir leikinn gegn Breiðabliki.
Arnar Gunnlaugsson, þjálfari Víkings, stefndi mjög hátt á síðasta tímabili, stefndi á sjálfan toppinn. Það gekk aldeilis ekki. Arnar var spurður út í þetta í viðtali eftir leikinn gegn Breiðabliki.
„Þetta var skrítið tímabil í fyrra, ég hef það á tilfinningunni að leikmenn skuldi eitthvað, fullt af leikjum í fyrra sem voru engin hörmung en þá gekk ekkert upp, við gerum átta jafntefli. Menn slípuðu sig vel saman í vetur en það eru bara fjórir leikir búnir núna og menn verða vera fljótir niður á jörðina og halda sama focus leveli áfram," sagði Arnar við Arnar Laufdal Arnarsson.
Finnuru einhvern sérstakan mun á liðinu núna frá því í fyrra?
„Já, við erum meira lið, miklu meira lið. Mögulega vorum við með betri einstaklinga í fyrra en nú erum við miklu meira lið. Við erum búnir að vinna mikið í varnarleiknum, eitthvað sem okkur skorti."
„Ég þurfti líka að taka til hjá mér líka. Það er ekki nóg að setja á sig rauðan varalit og fara í einhvern kjól og halda að allt hafi verið í lagi í fyrra, að við vorum rosalega óheppnir í fyrra. Við þurftum virkilega að taka til í öllum okkar leik og rýna hann frá A-Ö, finna það sem fór úrskeiðis og reyna laga það," sagði Arnar. Viðtalið í heild má sjá hér að neðan.
Víkingur mætir KA í toppslag í dag.
Sjá einnig:
Arnar Gunnlaugs: Finn það núna að ég gerði mistök í aðdraganda mótsins (1. okt '20)
„Held ég hafi aldrei eytt jafnmiklum tíma í að greina neitt einasta lið"
Arnar Gunnlaugs: Hrós á KA fyrir að taka þessa ákvörðun
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
