Þróttur V. 1 - 1 Vestri
0-1 Vladimir Tufegdzic ('62 , víti)
1-1 Andrew James Pew ('68 )
Þróttur Vogum og Vestri áttust við á Vogaídýfuvellinum í lokaleik þriðju umferðarinnar í Lengjudeildinni í dag.
Fyrir leikinn voru nýliðar Þróttar án stiga en Vestri með þrjú stig. Það var mikið tempo í upphafi leiks og sótt á bæði mörkin. Fyrsta alvöru færið kom eftir rúmlega 10 mínútna leik.
Þá átti Pablo Gállego Lardies skot sem fór framhjá Marvin Darra í marki Vestra en Oliver Kelaart liðsmaður Pablo stóð á línunni og fékk boltann í sig og bjargaði því Vestra.
Vladimir Tufegdzic var nálægt því að koma gestunum yfir þegar skammt var til hálfleiks en Rafal rétt náði að bjarga því að boltinn læki í netið.
Það var markalaust í hálfleik en eftir rúmlega klukkutíma leik fengu Vestra menn víti. Vladimir steig á punktinn og skoraði að öryggi. Aðeins sex mínútum síðar höfðu Þróttarar jafnað metin.
Andy Pew átti þá skallann eftir hornspyrnu í stöngina og inn. 1-1 lokatölur og eru því nýliðarnir komnir á blað og Vestri með fjögur stig eftir fyrstu þrjá leikina.
