Brescia 0 - 0 Fiorentina
Fiorentina ætlaði að tryggja sér sinn fjórða deildarsigur í röð þegar liðið heimsótti Brescia í lokaleik 8. umferðar í ítölsku Seríu A.
Heimamenn í Brescia skoruðu mark strax á fjórðu mínútu þegar Florian Aye skoraði með skoti í stöngina og inn. Fjórum mínútum seinna dæmdi VAR markið af vegna þess að leikmaður Brescia handlék knöttinn í sókninni.
Fiorentina ætlaði að tryggja sér sinn fjórða deildarsigur í röð þegar liðið heimsótti Brescia í lokaleik 8. umferðar í ítölsku Seríu A.
Heimamenn í Brescia skoruðu mark strax á fjórðu mínútu þegar Florian Aye skoraði með skoti í stöngina og inn. Fjórum mínútum seinna dæmdi VAR markið af vegna þess að leikmaður Brescia handlék knöttinn í sókninni.
Í kjölfarið á markinu tók Fiorentina öll völd og var það einungis fyrir tilstilli Jesse Joronen í marki Brescia að Fiorentina kom ekki inn marki.
Joronen varði glæsilega frá Gaetano Castrovilli, Pol Lirola og Milan Badelj í fyrri hálfleik. Hann varði svo frá Dusan Vlahovic þegar stundarfjórðungur lifði leiks. Á sjöundu mínútu uppbótartíma fékk Castrovilli gott færi en skalli hans fór yfir mark Brescia.
Brescia er með sjö stig í 15. sæti en liðið á leik inni gegn Sassuolo en þeim leik var frestað fyrr á leiktíðinni. Fiorentina er með 12 stig í 9. sæti.
Athugasemdir