Aron Einar Gunnarsson var í byrjunarliði Al-Gharafa þegar liðið vann Al-Wakra 1-0 í deildarkeppninni í Katar. Al-Gharafa er með 25 stig á toppnum eftir tíu umferðir.
Liðið er með sjö stiga forystu á Shamal sem á leik til góða.
Liðið er með sjö stiga forystu á Shamal sem á leik til góða.
Hinn 17 ára gamli Tómas Óli Kristjánsson kom inn á 69. mínútu þegar AGF vann Silkeborg 2-0 í dönsku deildinni. Þetta var þriðji leikurinn hans fyrir liðið.
Hann átti frábæran sprett og lét vaða en boltinn breytti um stefnu og fór á Markus Solbakken sem innsiglaði sigurinn. AGF er á toppnum með 34 stig eftir 16 umferðir. Liðið er með tveggja stiga forystu á Midtjylland sem á leik til góða.
Ísak Snær Þorvaldsson var í byrjunarliði Lyngby þegar liðið vann Esbjerg 2-0 í næst efstu deild í Danmörku. Breki Baldursson var ónotaður varamaður hjá Esbjerg.
Lyngby er á toppnum með 32 stig eftir 17 umferðir. Esbjerg er í 4. sæti með 26 stig.
Lúkas Petersson var í markinu þegar varalið Hoffenheim vann topplið Duisburg 4-1 í 3. deild í Þýskalandi. Hoffenheim er í 5. sæti með 24 stig eftir 15 umferðir. Jón Dagur Þorsteinsson var ónotaður varamaður þegar Hertha Berlin vann Braunschweig 1-0 í næst efstu deild. Hertha er í 4. sæti með 23 stig eftir 13 umferðir.
Athugasemdir
