Antony, leikmaður Real Betis, segir frá því að hann hafi fengið símtal frá Bayern Munchen á gluggadeginum, lokadegi félagaskiptagluggans, áður en félagaskiptin frá Manchester United til Betis voru kláruð.
Brasilíski vængmaðurinn var keyptur á 25 milljónir punda til Betis, en áður en skiptin voru kláruð kom símtal frá Vincent Kompany.
Brasilíski vængmaðurinn var keyptur á 25 milljónir punda til Betis, en áður en skiptin voru kláruð kom símtal frá Vincent Kompany.
„Ég ætla að vera alveg hreinskilinn núna, það kom mér smá á óvart," sagði Antony við Globo Esporte.
„Við erum að tala um risa í heimsfótboltanum, Bayern Munchen, þar sem er þjálfari með mjög öfluga sögu."
„Kompany hringdi í mig og við spjölluðum saman. Hann var ofboðslega kurteis við mig, sagði að hann hefði alltaf verið hrifinn af mínum leikstíl. Þetta kom skömmu fyrir miðnætti á gluggadeginum."
„Hvort sem ég vildi þetta eða ekki, en þetta hafði áhrif á mig út af stærð félagsins, stærð þjálfarans og hvernig hann talaði við mig," sagði Antony sem er 25 ára vængmaður sem hefur skorað fjögur mörk og lagt upp eitt í átta leikum með Betis á tímabilinu.
Athugasemdir
