Martínez er ekki eins og fólk er flest og sást það vel í kringum úrslitaleik mótsins.

Aðferðir hans voru að vísu vel þekktar fyrir það eins og mátti sjá í Suður-Ameríku keppninni á síðasta ári, er hann gerði í því að hæðast að leikmönnum andstæðinganna.

Hann hélt áfram að notast við aðferðir sínar á HM og sást það vel og greinilega í úrslitaleiknum. Þegar Aurélien Tchouameni ætlaði að taka víti kom Martínez með boltann upp að honum og kastaði honum í burtu.

Martínez hélt áfram þegar Randal Kolo Muani tók sína spyrnu og fékk hann gula spjaldið fyrir. Eftir leikinn var hann valinn besti markvörður mótsins og bauð þar upp á sérkennilegt látbragð til að þagga í stuðningsmönnum Frakka áður en hann hélt svo inn í klefa og kallaði eftir mínútuþögn fyrir Kylian Mbappe.

Sviðsljósið hefur verið hans síðan leikurinn kláraðist en Wright er ekkert sérstaklega hrifinn af þessari hegðun þó hann sé mikill aðdáandi leikmannsins.

„Munið þið eftir þessari óviðeigandi hegðun hans í garð Auba og allt sem hann var að gera?,“ sagði Wright sem minntist þá á leik Aston Villa gegn Arsenal á síðasta ári er Pierre-Emerick Aubameyang steig á vítapunkinn.

„Ég hugsaði að hann væri að taka þetta á næsta stig ef leikurinn færi í vítakeppni og það gerðist. Ég er hrifinn af Emi en hann fór yfir strikið í vítakeppninni, það er að segja ef við tölum um íþróttamennsku. Hann fór klárlega yfir strikið,“ sagði hann í hlaðvarpsþættinum Ringers FC.

STUÐNINGSSVEIT
FÓTBOLTA.NET

Komdu í hópinn!

Framlag lesenda skiptir máli til að halda úti Fotbolti.net.

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit