Anna Björk í leik með Stjörnunni.
Anna Björk Kristjánsdóttir var svekkt eftir 3-2 tap gegn Breiðablik í undanúrslitum Borgunarbikars kvenna í kvöld.
Breiðablik var 3-0 yfir þegar að um korter var eftir en Stjarnan náði að skora tvö mörk í lokin og gera smá spennu. Nær komust þær þó ekki og eru því úr leik.
Anna segir slæman fyrri hálfleik hafa kostað liðið en hún er ánægð með karakterinn sem þær sýndu með að gera leik úr þessu í lokin.
Breiðablik var 3-0 yfir þegar að um korter var eftir en Stjarnan náði að skora tvö mörk í lokin og gera smá spennu. Nær komust þær þó ekki og eru því úr leik.
Anna segir slæman fyrri hálfleik hafa kostað liðið en hún er ánægð með karakterinn sem þær sýndu með að gera leik úr þessu í lokin.
Lestu um leikinn: Stjarnan 2 - 3 Breiðablik
„Við mættum ekki til leiks í fyrri hálfleik og fengum á okkur tvö slæm mörk þá. Við ætlum að gera betur í seinni hálfleik en fáum þá í staðin þriðja markið í andlitið."
„Það var erfitt að koma til baka eftir það en það er karakter í liðinu og við náum að koma til baka eftir það. Við vorum óheppnar að ná ekki að setja eitt í lokin og jafna."
Anna er á láni hjá Stjörnunni en frí er í sænsku deildinni þar sem hún spilar með Örebro. Hún ákvað að nota fríið í að koma til Íslands að spila með Stjörnunni og sér hún ekki eftir því.
„Það er gott að koma aftur í Stjörnuna, það er gott að spila með þeim. Maður þekkir þetta lið og fer í svolítið comfort zone," sagði Anna að lokum.
Viðtalið má sjá í heild sinni hér að ofan.
Athugasemdir
