Breiðablik tapaði í gær 0 - 2 fyrir KR í Pepsi Max-deildinni. KR sló þá einnig út úr Mjólkurbikarnum fyrir 12 dögum síðan og í millitíðinni töpuðu Blikar fyrir FH í deildinni.
Liðið er sem stendur í 5. sæti Pepsi Max-deildarinnar og liðin í næstu tveimur sætum fyrir ofan, KR og Stjarnan, eiga leik til góða á þá.
Óskar Hrafn Þorvaldsson þjálfari liðsins hefur verið að koma sínum svip á Breiðabliks liðið í sumar en liðið spilar mjög frábrugðið því sem það hefur gert undanfarin tvö ár þegar þeir enduðu í 2. sæti deildarinnar undir stjórn Ágústs Gylfasonar.
Í viðtali við Baldvin Már Borgarson á Fótbolta.net eftir leikinn í gær talaði Óskar um að liðið hafi ekki haldið skipulagi og það hafi verið agaleysi í leik liðsins.
Baldvin spurði þá Óskar Hrafn hvort það taki hann enn lengri tíma að koma hans stefnu á liðið en hann ætlaði sér?
„Ég veit það ekki en það virðist vera sem það taki lengri tíma en flestir myndu vilja. Það er erfitt að setja tímaramma á það því það tekur þann tíma sem það tekur. Svo verða menn að ákveða hvort það taki of langan tíma," sagði Óskar Hrafn og gaf svo í lokin í skyn að hann vissi ekki hvað hann fengi mikla þolinmæði í starfi:
„Mér finnst menn vera að gera mistök sem ég hefði heldur viljað vera laus við í lok september. Svo verður bara að sjá hvort tímaramminn sé nægur í þessum bransa sem við erum í."
Viðtalið má sjá í spilaranum hér að neðan.
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir