Lukas Hradecky, markvörður Bayer Leverkusen, skoraði furðulegt sjálfsmark í 2-1 sigri liðsins á Arminia Bielefeld í þýsku deildinni í gær en hann gat þó hlegið að mistökunum eftir leikinn.
Leverkusen var að leiða leikinn 1-0 á 47. mínútu er varnarmaður Leverkusen átti sendingu til baka á Hradecky.
Finnski landsliðsmarkvörðurinn ætlaði að þruma boltanum fram völlinn en hitti hann illa þannig boltinn skoppaði af honum og í netið.
„Það er í gott og blessað að fólk geti hlegið að þessu. Þetta verður á Youtube og breytist jafnvel í meme," sagði Hradecky í viðtali eftir leik.
Hægt er að sjá atvikið hér fyrir neðan.
Mistök Hradecky gegn Arminia Bielefeld
Athugasemdir