Tímabil Watford hófst á 3-2 sigri á Aston Villa en ekki tókst liðinu að fylgja góðri byrjun eftir þar sem þrír tapleikir komu í kjölfarið. Eftir sigur á Norwich og jafntefli við Newcastle tók við leikur gegn Leeds sem tapaðist 1-0. Það var kornið sem fyllti mælinn hjá stjórnarmönnum Watford sem hafa gefið ævintýralega mörgum stjórum sparkið á síðustu árum. Spánverjinn Xisco Munoz er maðurinn sem var rekinn frá Watford í byrjun október eftir að hafa krækt í sjö stig í jafnmörgum leikjum.

Leitin að nýjum knattspyrnustjóra tók ekki langan tíma. Daginn eftir að Xisco Munoz var látinn fara var enginn annar en Claudio Ranieri staðfestur sem nýr knattspyrnustjóri Watford. Hann staldraði ekki lengi við og var rekinn eftir 112 daga í starfi. Í 14 leikjum undir stjórn Ranieri vann liðið tvo leiki og gerði eitt jafntefli, sigrarnir tveir voru sannkallaðir stórsigrar, gegn Everton annars vegar þar sem niðurstaðan var 2-5. Hins vegar gegn Manchester United þar sem lokatölur voru 4-1, þessi leikur gerði það að verkum að Ole Gunnar Solskjær missti starfið hjá Manchester United.

En hvert leituðu Watford menn næst? Jú þeir leituðu til hins 74 ára gamla reynslubolta, Roy Hodgson. Hann átti að sjá til þess að liðið myndi halda sér í efstu deild. Það gekk hins vegar ekki eftir, uppskeran úr 18 leikjum undir stjórn Hodgson var aðeins 9 stig. Watford fékk alls 23 stig í vetur og 19. sæti niðurstaðan, með stigi meira en Norwich sem endaði í botnsætinu.

Besti leikmaður Watford á tímabilinu:
Nígeríumaðurinn Emmanuel Dennis fær þennan titil. Hann kom til Watford frá Club Brugge í Belgíu fyrir tímabilið. Dennis skoraði 10 mörk í vetur og lagði upp 6, sem gerir hann að bæði marka- og stoðsendingahæsta leikmanni Watford á tímabilinu. Gæti orðið eftirsóttur biti á félagaskiptamarkaðnum í sumar.

Þessir sáu um að skora mörkin:
Emmanuel Dennis: 10 mörk.
Cucho Hernandez: 5 mörk.
Joshua King: 5 mörk.
Ismaila Sarr: 5 mörk.
Joao Pedro: 3 mörk.
Moussa Sissoko: 2 mörk.
Dan Gosling: 1 mark.
Hassane Kamara: 1 mark.
Juraj Kucka: 1 mark.
Kiko Femenía: 1 mark.

Þessir lögðu upp mörkin:
Emmanuel Dennis: 6 stoðsendingar.
Kiko Femenía: 5 stoðsendingar.
Joshua King: 3 stoðsendingar.
Tom Cleverley: 2 stoðsendingar.
Cucho Hernandez: 2 stoðsendingar.
Ismaila Sarr: 2 stoðsendingar.
Craig Cathcart: 1 stoðsending.
Ben Foster: 1 stoðsending.
Joao Pedro: 1 stoðsending.
Juraj Kucka: 1 stoðsending.
Adam Masina: 1 stoðsending.
Moussa Sissoko: 1 stoðsending.

Spilaðir leikir:
Moussa Sissoko: 36 leikir.
Emmanuel Dennis: 33 leikir.
Joshua King: 32 leikir.
Craig Cathcart: 31 leikur.
Tom Cleverley: 28 leikir.
Joao Pedro: 28 leikir.
Kiko Femenía: 27 leikir.
Ben Foster: 26 leikir.
Juraj Kucka: 26 leikir.
Cucho Hernandez: 25 leikir.
Ismaila Sarr: 22 leikir.
Imran Louza: 20 leikir.
Samir: 19 leikir.
Hassane Kamara: 19 leikir.
Ken Sema: 18 leikir.
William Troost-Ekong: 17 leikir.
Christian Kabasele: 16 leikir.
Jeremy Ngakia: 16 leikir.
Adam Masina: 15 leikir.
Edo Kayembe: 13 leikir.
Daniel Bachmann: 12 leikir.
Peter Etebo: 9 leikir.
Danny Rose: 8 leikir.
Ozan Tufan: 7 leikir.
Francisco Sierralta: 5 leikir.
Dan Gosling: 4 leikir.
Samuel Kalu: 4 leikir.
Ashley Fletcher: 3 leikir.
Nicolas Nkoulou: 3 leikir.
Troy Deeney: 2 leikir.

Hvernig stóð vörnin í vetur?
Þegar litið er til marka fengin á sig er Watford með þriðju verstu vörnina, aðeins Leeds og Norwich fengu á sig fleiri mörk. Liðið skorar einnig lágt þegar kemur að því að halda hreinu, það tókst þeim aðeins fjórum sinnum á tímabilinu og er neðstir þegar sá tölfræðimoli er skoðaður.

Hvaða leikmaður skoraði hæst í Fantasy Premier league?
Emmanuel Dennis var sá leikmaður Watford sem skilaði flestum stigum í Fantasy leiknum vinsæla í vetur. Hann fékk 134 stig.

Hvernig spáði Fótbolti.net fyrir um gengi Watford á tímabilinu?
Fréttaritarar Fótbolta.net höfðu ekki mikla trú á Watford fyrir tímabilið og voru þeir settir í botnsætið í spánni. Litlu mátti muna að það hefði orðið að veruleika.

Enska uppgjörið
1.
2.
3.
4.
5.
6.
7.
8.
9.
10.
11.
12.
13.
14.
15.
16.
17.
18.
19. Watford
20. Norwich

Tweet

Senda a Facebook Hafdu samband Senda frétt Prenta frétt Frétta leit