Orri Steinn var besti leikmaður FC Kaupmannahafnar fyrr í þessari viku þegar liðið tapaði 3-2 gegn AGF í dönsku úrvalsdeildinni. Hann skoraði bæði mörk liðsins í leiknum.

Orri, sem er einungis 19 ára gamall, hefur verið virkilega góður eftir að danska deildin skiptist og er hann núna búinn að gera níu deildarmörk á tímabilinu, mest af öllum leikmönnum FCK.

FCK á ekki lengur möguleika á danska meistaratitlinum eftir tapið gegn AGF. FCK er fjórum stigum frá bæði Midtjylland og Bröndby þegar ein umferð er eftir af dönsku deildinni.