Heimir í Færeyjum.
Heimir Guðjónsson segir að þær fréttir sem birst hafa í íslenskum fjölmiðlum um að hann sé búinn að ákveða að hætta störfum hjá HB í Færeyjum eftir tímabilið séu ekki sannar.
Talað hefur verið um að Heimir sé á heimleið og hefur hann verið orðaður við þjálfarastörf hér á Íslandi.
Mbl.is sagði að fjölskylda Heimis sé að flytja aftur til Íslands.
Talað hefur verið um að Heimir sé á heimleið og hefur hann verið orðaður við þjálfarastörf hér á Íslandi.
Mbl.is sagði að fjölskylda Heimis sé að flytja aftur til Íslands.
„Sögurnar í íslenskum fjölmiðlum eru ekki réttar. Ég hef ekki tekið neina ákvörðun og fjölskyldan er hér enn. Ég hef verið í samningaviðræðum við HB," segir Heimir við færeyska fréttamiðilinn in.fo.
Heimir segir að viðræðurnar við HB hafi gengið vel en í fótboltanum sé ekki hægt að ganga að neinu vísu.
Heimir gerði HB að Færeyjarmeisturum í fyrra og liðið er í baráttu um að verja titil sinn í ár. Þá er liðið komið í bikarúrslitaleikinn.
Athugasemdir
