Í kvöld fóru fram nokkrir leikir í 15. umferð Inkasso kvenna. Á Varmárvelli tók Afturelding á móti Augnabliki og skildu liðin jöfn, 1:1. Telma Ívarsdóttir, markmaður Augnabliks, var nokkuð svekkt í leikslok:

Lestu um leikinn: Afturelding 1 -  1 Augnablik

"Já þetta er svekkjandi en hvert stig skiptir miklu máli í botnbaráttunni. Þannig að það er bara einn leikur í einu. Eins og við erum að hugsa þetta núna þá er hver leikur bara úrslitaleikur. "

"Ég var ekki alveg nógu ánægð með fyrri hálfleikinn, við vorum mikið að panikka og vorum stressaðar. Þap er mikil pressa á manni þegar maður er í botnbaráttunni og það er  stressandi að vera að spila úrslitaleik eins og við erum að gera núna."

"Við vorum ekki alveg mættar í byrjun, vorum svolítið í að dúndra fram þegar við hefðum átt að vera að spila og gera þetta auðveldara fyrir okkur."

Telma var flott í markinu í dag og hefði viljað halda hreinu

"Jú klárlega, en fótbolti er fótbolti og það getur allt gerst. Við hefðum bara átt að klára mennina okkar, sérstaklega inni í teig. Þetta var eins og á æfingu þar sem varnarmennirnir eru ekki með. Við hefðum alltaf átt að vera fyrir framan hana, hún hefði ekki átt að hafa markið fyrir sig."

Næsti leikur Augnabliks er gegn ÍA sem e með einu stigi meira í deildinni. Það er því gríðarlega mikilvægur leikur fyrir liðið.

"Já eins og ég sagði þá er hver leikur úrslitaleikur í þessari botnbaráttu. Núna er smá pása svo við tökum bara góðar æfingar og verðum klárar í þann leik sem úrslitaleik til þess að falla ekki."


Viðtalið má sjá í heild sinni í spilaranum hér að ofan

Tweet

Senda a Facebook Hafdu samband Senda frétt Prenta frétt Frétta leit