„Mér líst vel á hlutina, það er gott að vera kominn í gang aftur. Það er mjög gott fyrir okkur þjálfarana að fá svona fína æfingaleiki. Gott að fá einn leik í viku og gott skipulag í kringum mótið," sagði Rúnar Kristinsson, þjálfari KR, eftir 0-1 sigur liðsins á FH í Bose-mótinu í dag.

„Þetta brýtur aðeins upp æfingavikuna og yngri leikmenn fá tækifæri til þess að venjast því að spila á því tempói sem er í efstu deild."



Hvernig er staðan á hópnum hjá KR?

„Við vorum án Atla og Alex Frey. Við notuðum 21 leikmann í dag, það voru allir útileikmennirnir sem fóru af velli. Beitir var sá eini sem spilaði allan leikinn. Flestir fá hálfleik, við reynum að skipta mínútunum á milli leikmanna."

Eru einhverjir ungir leikmenn sem Rúnar sér fyrir að nota næsta sumar?

„Já við erum með 2-3 unga sem eru hörkuefnilegir. Við reynum að gefa þeim fullt af mínútum núna svo að þeir geti tekið skrefið upp í efstu deild."

Stefnir Rúnar á að stækka leikmannahópinn?

„Eins og þú sérð þá notum við 21 leikmann og það eru tveir meiddir. Við erum með fína breidd en það er lítið í hendi með frekari styrkingar," sagði Rúnar Kristinsson eftir leik í dag.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit