Ari Freyr Skúlason lék allan leikinn í 2-1 sigri Oostende í efstu deild í Belgíu.
Oostende fékk Mechelen í heimsókn sem hefði getað komist á toppinn með sigri.
Staðan var markalaus í jöfnum leik allt þar til flóðgáttirnar opnuðust á 65. mínútu.
Fashion Sakala kom heimamönnum þá yfir jafnaði WIlliam Togui nokkrum mínútum síðar. Kevin van den Driessche var snöggur að svara og gerði sigurmark Oostende á 70. mínútu.
Liðið er með níu stig eftir fimm umferðir, einu stigi eftir Mechelen sem deilir toppsætinu með Club Brugge.
Oostende 2 - 1 KV Mechelen
1-0 Fashion Sakala ('65)
1-1 William Togui ('69)
2-1 Kevin van den Driessche ('70)
Roeselare, sem leikur undir stjórn Arnars Grétarssonar, féll úr belgíska bikarnum eftir 1-0 tap gegn Seraing.
Lommel, sem leikur undir stjórn Stefáns Gíslasonar, skoraði hins vegar fjögur í auðveldum sigri gegn Temse.
Kolbeinn Þórðarson er leikmaður Lommel. Bæði lið leika í belgísku B-deildinni.
Lommel SK 4 - 0 Temse
Seraing 1 - 0 KSV Roeselare
Athugasemdir