Arsenal leggur fram tilboð - Schick til Englands - Emi á útleið og fer Inzaghi til Sádi?
Katie Cousins: Höfum það sem til þarf
Anna Rakel: United bara, tek því
„Hefði getað sent en mig langaði svo rosalega mikið að skora"
Berglindi skemmt þegar henni var bent á áhugaverða staðreynd
Jón Óli: Stórkostlegar aðstæður
„Æsifréttamennska að mínu mati“ - Leikið í Grindavík á laugardag
Júlíus Mar: Eitthvað sem mig hefur dreymt um frá því ég kom til liðsins
Jökull eftir stórt tap: Við brotnum aðeins
Tobias Thomsen: Þetta var frekar klikkaður sirkus á köflum
Dóri Árna: Við þurfum ekki að mála einhvern skratta á vegg
Magnús Már: Tileinka þennan sigur Guðjóni Ármanni
Rúnar Kristins: Við vitum hvað við getum og við getum bætt okkur
Óskar vísar í Hernán Cortés: Spurði konuna hvort hún sæi einhver skip
Miklar væntingar gerðar til Víkings - „Við erum með rosalega stóran hóp“
Gylfi eftir fyrsta markið: Hentar mér kannski aðeins betur
Hrannar Snær: Erum með meira sjálfstraust í sóknarleiknum
Eiður Aron eftir sigur á ÍBV: Þetta er bara 'bisness'
Böddi glímt við veikindi: Vissi þá að ég þyrfti að klára þennan leik
Heimir Guðjóns léttur: Það gerist nú ekki á hverjum degi
Túfa: Hefðum getað gert tíu skiptingar í hálfleik
   sun 24. september 2023 15:38
Guðmundur Aðalsteinn Ásgeirsson
Düsseldorf
Tók áhættu sem reyndist heillaskref - „Undir mér komið að sýna það"
Hildur Antonsdóttir.
Hildur Antonsdóttir.
Mynd: Jónína Guðbjörg Guðbjartsdóttir
Frá æfingu í dag.
Frá æfingu í dag.
Mynd: Jónína Guðbjörg Guðbjartsdóttir
Hildur í leiknum gegn Wales.
Hildur í leiknum gegn Wales.
Mynd: Jónína Guðbjörg Guðbjartsdóttir
Hildur Antonsdóttir er að koma sterk inn í landsliðið núna eftir að hafa þurft að bíða lengi eftir tækifærinu. Hún spilaði sinn fyrsta keppnisleik gegn Wales í Þjóðadeildinni síðastliðið föstudags. Hún var frábær í leiknum.

Eftir leikinn sagði landsliðsþjálfarinn, Þorsteinn Halldórsson: „Hildur var svo eins og vél inn á miðjunni. Hún vann mikið af boltanum og náði að keyra á þær. Hún hefði mátt vera rólegri á boltanum, en hún hefur burði til að vera lykilmaður í landsliðinu næstu árin."

Hildur ræddi við Fótbolta.net fyrir æfingu landsliðsins í Düsseldorf í Þýskalandi. Framundan er leikur gegn Þýskalandi í Þjóðadeildinni á þriðjudag.

„Þetta er fljótt að gerast," segir Hildur, sem er 28 ára gömul. „Það er mjög gaman að vera partur af þessum hóp. Það er búið að taka mjög vel á móti mér sem hefur hjálpað mér mikið að komast inn í hópinn."

Hún var svo spurð út í ummæli landsliðsþjálfarans eftir leikinn á móti Wales. „Það er mjög gott að heyra það, en það er undir mér komið að sýna það."

Það var mjög sterkt að byrja Þjóðadeildina á sigri. „Það var mjög gaman þegar hún flautaði til leiksloka, að ná í þessi fyrstu þrjú stig. Þetta var mikil varnarvinna en okkur líður vel í vörn. Þær náðu ekki að skapa mikið. Þó þær hefðu verið meira með boltann þá fengum við ekki mörg færi á okkur."

„Það er svo gott að vinna fyrsta leikinn og það gefur okkur meðbyr fyrir næsta leik," segir Hildur en hún vonast til að halda sæti sínu í byrjunarliðinu. „Vonandi en það kemur í ljós seinna. Ég tek bara því verkefni sem mér verður falið í þann leik."

„Það sem skiptir máli er að við mætum ótrúlega grimmar til leiks og gerum allt til að ná í þessi þrjú stig. Stemningin í hópnum er mjög góð en það hjálpaði mikið að vinna fyrsta leikinn. Stemningin varð bara enn betri."

Hefur reynst heillaskref
Hildur var í fyrra keypt frá Breiðabliki til Fortuna Sittard í Hollandi. Það hefur reynst mikið heillaskref fyrir hana. Þegar hún gekk í raðir félagsins þá var nýbúið að stofna kvennalið.

„Lífið er mjög gott í Hollandi. Ég bý klukkutíma frá og ég er næstum því á heimavelli núna," sagði Hildur. „Þetta er rólegt og gott umhverfi. Félagið er með mjög góða umgjörð og ég myndi segja að það er til alls þarna."

„Ég tók smá séns að fara í alveg nýtt lið en eftir á að hyggja var þetta mjög góð ákvörðun, út frá liðinu og líka landinu þar sem það er mjög gott að búa í Hollandi. Liðið náði góðum árangri fyrsta árið og við ætlum að byggja ofan á það."

Er hollenska deildin sterk?

„Já, hún er að verða sterkari. Ajax og Twente hafa verið með yfirburði en við náðum að klóra smá í þær í fyrra og við ætlum að gera það aftur í ár. Við ætlum að reyna að vinna þau lið."

Hún segist hafa bætt sig mikið í Hollandi. „Hollenski boltinn er öðruvísi en sá íslenski. Fótboltinn heima snýst mikið um hörku og mikið fram á við. Á meðan eru Hollendingar ótrúlega rólegir á boltann. Stundum of rólegir. Það er eitthvað sem ég þarf að bæta mig í. Þetta er að fara að hjálpa mér með framhaldið."

Sjá einnig:
Nýtur lífsins í Hollandi - „Var orðin rosa þreytt á löngu dögunum heima"
Athugasemdir
banner
banner