Ísland mætir svo Ungverjalandi í Búdapest á þriðjudaginn í næstu viku og hefst sá leikur kl. 14:30 að íslenskum tíma. Hann verður einnig í beinni útsendingu á RÚV.

Bækistöðvar Íslands eru í Bratislava, en vegna landslaga í Slóvakíu þarf liðið að æfa hinum megin við landamærin í Austurríki og hefur það fengið aðstöðu hjá SV Hundsheim.

Íslenska liðið endar líklega í 2. sæti riðilsins en mikilvægt er að ná sigri í báðum þessum leikjum til að enda með sem flest stig. Þrjú lið með bestan árangur í 2. sæti fara beint á EM í Englandi á meðan önnur lið í 2. sæti fara í umspil.

Ísland vann Slóvakíu 1-0 á Laugardalsvelli í fyrra og Ungverjaland 4-1.