Leikvangurinn tekur 60 þúsund áhorfendur en vegna Covid takmarkana þá átti hann ekki vera meira en 80% fullur á leiknum í gær.

Mikill troðningur skapaðist við hliðin fyrir utan völlinn. Mikil óreiða skapaðist, fólk var klifrandi yfir grindverk, braust í gegnum hlið og var hlaupandi segir danski blaðamaðurinn Buster Emil Kirchner. Hann segir að margir hafi mætt miðalausir og reynt að komast á leikinn.

Afríska fótboltasambandið sagði í yfirlýsingu að verið væri að rannsaka það sem gerðist. Leikur Kamerún og Kómoreyja fór fram en leikmenn vissu ekki af troðningnum fyrr en eftir leikinn. Kamerún vann 2-1.