Markinu fagnað í dag.
U19 landslið karla gerði sér lítið fyrir og vann magnaðan sigur á Englandi í milliriðlum fyrir EM í dag.
Þetta var annar leikur liðsins í milliriðlinum en liðið gerði jafntefli við Tyrkland í fyrsta leik.
Þetta var annar leikur liðsins í milliriðlinum en liðið gerði jafntefli við Tyrkland í fyrsta leik.
Orri Steinn Óskarsson skoraði mark Íslands í leiknum af vítapunktinum.
Þetta er stórkostlegur sigur í ljósi þess að England er ríkjandi Evrópumeistari í þessum aldursflokki. Fyrir leikinn í dag hafði enska U19 landsliðið ekki tapað leik síðan 21. október 2021. Liðið hafði farið í gegnum 15 leiki í röð án taps fyrir þennan leik.
England er á heimavelli í milliriðlinum en Ísland er núna í flottum málum með fjögur stig. Staðan verður skýrari í kvöld eftir leik Ungverjalands og Tyrklands, en Ísland mætir Ungverjalandi á þriðjudag í síðasta leik sínum í riðlinum. Efsta liðið í riðlinum fer í lokakeppni EM.
Athugasemdir
