Heimild: Stöð 2
Damir er 34 ára gamall
„Boltinn er, ef ég á að vera hreinskilinn, ekkert frábær. Það eru tvö til þrjú lið í deildinni sem eru mikið betri en hin. Liðið okkar er svolítið langt á eftir þeim," segir varnarmaðurinn Damir Muminovic í viðtali við Stefán Árna Pálsson á Stöð 2.
Damir hefur í vetur spilað fyrir DPMM frá Brúnei en liðið leikur í úrvalsdeildinni í Singapúr. Allt bendir til þess að Damir snúi svo aftur til Breiðabliks í sumarglugganum, sem opnar þann 17. júlí.
Damir hefur í vetur spilað fyrir DPMM frá Brúnei en liðið leikur í úrvalsdeildinni í Singapúr. Allt bendir til þess að Damir snúi svo aftur til Breiðabliks í sumarglugganum, sem opnar þann 17. júlí.
„Framhaldið þarna er ekkert alveg ákveðið en eins og staðan er núna er ég á leiðinni heim eins og planið var alltaf," segir Damir en DPMM er í sjöunda sæti af níu liðum singapúrsku deildarinnar, 33 stigum frá toppliði Lion City Sailors.
Í viðtalinu við Stöð 2 segir Damir lífið utan vallar í Brúnei annars mjög rólegt og stundum einmanalegt, ekki sé mikið um að vera.
Athugasemdir
