Hann staðfesti þetta í samtali við Morgunblaðið eftir 6-0 tap gegn Val í lokaumferð Pepsi Max-deildarinnar á þessum ágæta laugardegi.

Fylkir endaði á botni efstu deildar í sumar og mun Rúnar fá það verkefni að koma liðinu beinustu leið aftur upp. Hann er búinn að skrifa undir þriggja ára samning við félagið.

Rúnar tók við Fylki í byrjun þessa mánaðar og tókst ekki að halda liðinu uppi. Hann fær samt traustið áfram.

Rúnar Páll þjálfaði Stjörnuna frá 2014 til 2021, og gerði hann liðið bæði að Íslands- og bikarmeisturum á tíma sínum í Garðabænum.