Sindri er búinn að fá til sín ansi öflugan liðsstyrk fyrir toppbaráttuna sem er framundan í 3. deildinni.
Ragnar Þór Gunnarsson er genginn í raðir félagsins frá Lengjudeildarliði Þróttar Vogum.
Ragnar Þór er fæddur 1994 og hefur meðal annars leikið fyrir Val og Selfoss á ferlinum. Hann hefur verið hjá Þrótti í fjögur og hálft ár en hefur aðeins tekið þátt í fimm Lengjudeildarleikjum í sumar.
Ragnar var byrjunarliðsmaður hjá Þrótti síðustu fjögur ár er liðið fór upp úr 2. deild eftir nokkrar tilraunir.
Sindri er í fjórða sæti í 3. deild, aðeins einu stigi eftir toppliðunum þremur.
Athugasemdir
