David Luiz vill hjálpa Arsenal að vinna úrvalsdeildartitla á Englandi. Miðvörðurinn kom sér í fréttirnar um helgina þegar hann fékk dæmda á sig vítaspyrnu gegn Liverpool.
Sjá einnig:
David Luiz ósáttur með dóminn: Salah fann ekki fyrir þessu
Sjá einnig:
David Luiz ósáttur með dóminn: Salah fann ekki fyrir þessu
Hinn 32 ára gamli Luiz var keyptur til Arsenal frá Chelsea á 8 milljónir punda á lokadegi félagaskiptagluggans á Englandi í sumar.
Hjá Chelsea vann hann ensku úrvalsdeildina, Meistaradeildina og FA-bikarinn tvisvar. Brasilíumaðurinn telur að Arsenal geti barist um að vinna allar keppnir sem félagið tekur þátt í á þessu tímabili.
„Þetta félag getur aftur náð þeim hæðum sem það náði einu sinni. Við erum með mikil gæði í liðinu," sagði Luiz við Sky Sports.
„Ég kom hingað til að vinna ensku úrvalsdeildina, og ég vil líka berjast í öðrum keppnum."
Arsenal tapaði 3-1 gegn Liverpool á laugardag.
Athugasemdir
