England: Kane lagði sigurmarkið upp fyrir Son

Son Heung-min gerði eina mark leiksins er Tottenham lagði Burnley að velli í miklum baráttuleik í úrvalsdeildinni.

Staðan var markalaus eftir bragðdaufan fyrri hálfleik þar sem heimamenn í Burnley sýndu frábæran varnarleik og gáfu gestunum ekki millimeter.

Leikurinn hélt áfram að vera bragðdaufur eftir leikhlé en Burnley komst nálægt því að skora þegar tók að líða á klukkuna. Fyrst komst Chris Wood einn í gegn en stöðvaður af dómaraflautunni vegna hendi og skömmu síðar þurfti Harry Kane að bjarga skalla frá James Tarkowski á marklínunni.

Skömmu síðar fékk Tottenham hornspyrnu og vann Kane fyrsta skallaboltann glæsilega. Hann náði að skalla knettinum í hlaupaleiðina hjá Son sem kláraði færið með öðrum skalla.

Kane og Son hafa núna lagt upp 29 sinnum fyrir hvorn annan í ensku úrvalsdeildinni. Þar eru þeir í öðru sæti í sögu deildarinnar, eftir Didier Drogba og Frank Lampard.

Burnley reyndi að sækja jöfnunarmark en tilraunir heimamanna voru máttlausar og niðurstaðan 0-1 sigur.

Tottenham fer upp í 5. sæti með sigrinum og situr þar tveimur stigum frá toppliðunum frá Liverpool. Burnley er í fallsæti, með eitt stig eftir fimm umferðir.

Jóhann Berg Guðmundsson spilaði fyrstu 84 mínútur leiksins.