Víðir Garði hefur staðfest samkomulag við David Toro um framlengingu á samningi hans við félagið.
David er sóknarleikmaður frá Spáni sem skoraði 14 mörk í 25 leikjum með Víði í fyrra.
Víðir komst upp úr 3. deildinni og mun David halda áfram að spila með félaginu í 2. deild. Hann er 27 ára gamall og lék með Tindastóli í 4. deildinni áður en hann var fenginn yfir til Víðis.
„Það er mikið ánægjuefni að halda í þennan frábæra leikmann og hlökkum við til að sjá hann aftur á Nesfisks-vellinum í sumar. Áfram Víðir," segir meðal annars í tilkynningu frá Víði.
Ekki er greint frá lengd samnings en líklegt er að um eins árs samning sé að ræða.
Athugasemdir
