Aron á landsliðsæfingu fyrir helgi.
„Þetta er gríðarlega skemmtilegt, ég er stoltur af því að vera kominn í A-landsliðið og að taka af skarið með þessum hóp er mjög skemmtilegt," sagði Aron Sigurðarson kantmaður Íslands við Fótbolta.net í dag.
Aron er í Dublin með íslenska landsliðinu en þar mætir liðið Írlandi í æfingaleik annað kvöld. Hann hefur farið vel af stað með landsliðinu og skorað 2 mörk í 4 fyrstu landsleikjum sínum
„Við erum að fara að spila skemmtilegan leik á móti Írum og að sjálfsögðu reyni ég að skora í þeim leik," sagði Aron.
Aron var ónotaður varamaður í leiknum gegn Kosovo í undankeppni HM 2018 á föstudaginn og sá leikinn af hliðarlínunni. „Það tók á að vera á hliðarlínunni. Þeir settu 2-1 markið á okkur og lokamínúturnar tóku á en við náðum að halda þetta út," sagði Aron.
„Ég vonast til að spila eitthvað á móti Írum og nýta tækifærið sem ég fæ en ég veit ekkert hversu mikið það verður, það verður að koma í ljós."
Aron leikur með Tromsö í Noregi og er spenntur fyrir nýju tímabili sem senn fer að hefjast þar í landi.
„Ég er í mjög góðu formi og búinn að spila mjög vel í undanförnum leikjum með liðinu, ég er spenntur fyrir því. Ég held að við getum gert ágæta hluti og komið á óvart. Stefnan er sett á að vera um miðja deild og við getum verið sáttir ef við náum því."
Fótbolti.net er með öflugt teymi í Hollandi og er hægt að fylgjast með öllu bak við tjöldin á Snapchat (Fotboltinet), á Instagram og öðrum samskiptamiðlum okkar.
Leikir Íslands á EM:
Ísland 0-1 Frakkland
Ísland 1-2 Sviss
Ísland 0-3 Austurríki
Athugasemdir
