Southampton er í viðræðum um að fá miðjumanninn Adam Lallana aftur til félagsins.
Lallana, sem er 36 ára, spilaði með Brighton frá 2020 til 2024 en hann yfirgaf félagið núna á dögunum og er félagslaus.
Hann ólst að miklu leyti upp í Southampton og var þar frá 2000 til 2014. Þar mótaðist hann sem leikmaður áður en hann var keyptur til Liverpool.
Southampton komst aftur upp í ensku úrvalsdeildina í gær er þeir lögðu Leeds að velli í úrslitaleik umspilsins í Championship-deildinni. Mögulega verður Lallana fyrsti leikmaðurinn sem félagið fær eftir að þeir komust aftur upp.
Lallana á 34 A-landsleiki að baki fyrir England.
Athugasemdir