27.05.24 - 12:00
Guðmundur Aðalsteinn Ásgeirsson
Stuðningsmannalag AC Milan orðið mjög vinsælt á Íslandi
Frá Lambhagavellinum þar sem lagið hefur meðal annars verið spilað.
Mynd: Fótbolti.net - Hafliði Breiðfjörð
Frá Lambhagavellinum þar sem lagið hefur meðal annars verið spilað.
Mynd: Fótbolti.net - Hafliði Breiðfjörð
Fótboltasumarið er komið á fleygiferð hér á Íslandi en það er alltaf mikil stemning á vellinum.
Það er gaman að fylgjast með lagavalinu hjá plötusnúðum sem stjórna tónlistinni á vellinum en eitt lag virðist vera að slá í gegn hjá þeim í byrjun sumars.
Um er að ræða ítalska lagið Sarà perché ti amo eftir Ricchi e Poveri.
Stuðningsmenn ítalska úrvalsdeildarfélagsins AC Milan hafa gert lagið vinsælt á síðustu árum en þeir breyta textanum til að níðast á Juventus, keppinautum sínum.
„Ef þú hoppar ekki ertu Juventus svín," segir í textanum sem stuðningsmenn AC Milan syngja.
Þetta lag var mikið spilað í úrslitakeppni körfuboltans í fyrra. Svo virðist sem það hafi fyrst verið spilað á Hlíðarenda. Ítalir tóku eftir og þeir furðuðu sig á því að lagið væri spilað hérna en höfðu samt gaman að því.
Svo virðist sem lagið hafi svo verið tekið yfir í fótboltann en það er ekki annað hægt að segja en að það komi fólki í gírinn. Þetta er mikið stemningslag. Hefur lagið til að mynda verið spilað fyrir leiki á Hlíðarenda, í Úlfarsárdal og á Kópavogsvelli í sumar.
Hér að neðan má sjá hvernig lagið er þegar stuðningsmenn AC Milan syngja það og svo upprunalegu útgáfuna þar fyrir neðan.
Um er að ræða ítalska lagið Sarà perché ti amo eftir Ricchi e Poveri.
Stuðningsmenn ítalska úrvalsdeildarfélagsins AC Milan hafa gert lagið vinsælt á síðustu árum en þeir breyta textanum til að níðast á Juventus, keppinautum sínum.
„Ef þú hoppar ekki ertu Juventus svín," segir í textanum sem stuðningsmenn AC Milan syngja.
Þetta lag var mikið spilað í úrslitakeppni körfuboltans í fyrra. Svo virðist sem það hafi fyrst verið spilað á Hlíðarenda. Ítalir tóku eftir og þeir furðuðu sig á því að lagið væri spilað hérna en höfðu samt gaman að því.
Svo virðist sem lagið hafi svo verið tekið yfir í fótboltann en það er ekki annað hægt að segja en að það komi fólki í gírinn. Þetta er mikið stemningslag. Hefur lagið til að mynda verið spilað fyrir leiki á Hlíðarenda, í Úlfarsárdal og á Kópavogsvelli í sumar.
Hér að neðan má sjá hvernig lagið er þegar stuðningsmenn AC Milan syngja það og svo upprunalegu útgáfuna þar fyrir neðan.
