Eysteinn: Ætlum ekki upp fyrr en við erum tilbúnir

„Ég held að munurinn á liðunum í dag liggi fyrst og fremst í því að við gerum fleiri mistök og ég held að það sé það sem stendur upp úr eftir leikinn plús það að mér fannst Leiknismönnum á köflum líða alltof vel inná okkar heimavelli," sagði Eysteinn Húni Hauksson, þjálfari Keflavíkur, aðspurður hvað hefði ráðið úrslitum í dag.

Eftir tvo góða útleiki i síðustu umferðum gegn Víking Ó og Þór varð niðursveiflan hjá liðinu talsverð í leiks kvöldsins.

„Þetta er virkilega svekkjandi að þessar frammistöður á útivelli að við skulum fá minna út úr þeim með þessu tapi hérna á heimavelli og við eigum að gera betur.“

Keflavík byrjaði mótið af krafti og var á toppnum eftir nokkrar umferðir. Heldur hefur hallað undan fæti síðan þá. En vilja Keflvíkingar fara upp í haust? Væri ekki jafnvel jákvætt fyrir liðið að taka eitt tímabil enn í Inkasso?

„Við ætlum upp í Pepsi Max deildinna en við ætlum ekki fyrr en við erum tilbúnir."

Viðtalið við hann má sjá hér að ofan.