Sandra María Jessen
Sandra María Jessen, fyrirliði Þórs/KA, var svekkt með að hafa ekki náð í sigur á Sauðárkróksvelli í Bestu deild kvenna í dag.
Lestu um leikinn: Tindastóll 0 - 0 Þór/KA
Þór/KA hafnaði í 6. sæti deildarinnar eftir fyrstu átján umferðirnar og fer því í meistarariðilinn með fimm öðrum liðum.
Sandra var svekkt með jafnteflið í dag og þá sérstaklega með að mark hafi verið tekið af henni snemma í síðari hálfleiknum en hún taldi það fullkomlega löglegt.
„Svekkelsi. Auðvitað kemur maður í alla leiki og vill þrjú stig og ekki síst í svona slag um norðurlandið. Leiðinlegt að hafa skorað mark sem var ekkert að og það tekið af manni og nýta ekki færin sem við fáum til að pota inn mörkum og ná inn öllum stigunum.“
„Þetta er skemmtilegt og fyrsta skiptið sem við prófum þetta. Mér líst mjög vel á þetta og þetta er gott fyrir íslensku deildina og fá fleiri leiki til að gera sumarið lengra og skemmtilegra. Klárlega spennandi og við ætlum okkur að blanda okkur í baráttuna um sætin fyrir ofan okkur. Við erum í sjötta sætið en markmiðið er ofar en það, þannig við ætlum inn í hvern leik til að fá þrjú stig.“
„Okkar helsta markmið var að vera í efri hlutanum þegar fyrstu 18 voru búnir en við viljum komast enn hærra. Þessir deild hefur sýnt og sannað að það geta öll lið unnið alla og ég held að það sé nóg eftir af þessari deild. Við ætlum að klifra enn ofar upp töfluna þegar líður á lokaumferðirnar,“ sagði Sandra í lokin.
Stöðutaflan
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 0 | 0 | 0 | 0 | 0 | 0 | 0 | 0 | 0 | |
Athugasemdir
