Leiknir leikur í vínrauðum og bláum búningum allajafna og fyrir leikinn hafði Afturelding samband við dómara leiksins og spurði hvort þeir mættu spila í rauðum búningum sínum og fengu það samþykkt.

Þeir tóku þó svarta varasettið með sér í leikinn og þegar þangað var komið ákvað Gunnar Freyr Róbertsson dómari að láta þá spila í svarta settinu.

Þannig fór leikurinn í gang en erfitt var að sjá mun á liðunum og sér í lagi í sjónvarpsútsendingu á Stöð 2 Sport en leikið var í mikilli rigningu sem gerði búningana enn dekkri.

Leiknismenn tóku því ákvörðun að mæta í seinni hálfleikinn í hvítum varabúningum sínum en myndir úr fyrri og seinni hálfleik má sjá með þessari frétt.