Bellingham er búinn að vera stórkostlegur með Dortmund og enska landsliðinu í ár, en hann er gríðarlega mikilvægur fyrir bæði þessi lið þrátt fyrir að vera bara 19 ára gamall.

Það verður mikil áhugi á honum næsta sumar og er talað um 150 milljón evra verðmiða.

Ben Foster, fyrrum landsliðsmarkvörður Englands, ráðleggur leikmanninum að fara til Manchester United.

„Ég myndi elska að sjá hann hjá Man Utd. Hann myndi fá stórt hlutverk þar og ég held að hann myndi blómstra þar," sagði Foster, sem er kannski alveg hlutlaus þar sem hann er fyrrum leikmaður United. Hann er hræddur um að Bellingham myndi falla í skuggann á öðrum leikmönnum hjá félagi eins og hjá Manchester City. Hann yrði hins vegar aðalmaðurinn hjá United.

Ásamt sögusögnum um Man Utd, þá hefur Bellingham einnig verið sterklega orðaður við Liverpool og Real Madrid.