Noni Madueke.
Kantmaðurinn Noni Madueke virðist ekki vera mikið inn í myndinni hjá Chelsea í augnablikinu.
Leikmaðurinn var ekki í hóp þegar Chelsea vann kærkominn sigur gegn Brighton í enska deildabikarnum í gærkvöldi.
Eftir leik var Mauricio Pochettino spurður út í Madueke, sem hefur aðeins spilað 44 mínútur í ensku úrvalsdeildinni á þessu tímabili.
„Þetta snýst bara um val," sagði Pochettino en Madueke er ekki að glíma við meiðsli.
Madueke, sem er 21 árs gamall, kom til Chelsea í janúarglugganum á þessu ári. Hann var keyptur frá PSV Eindhoven fyrir 28,5 milljónir punda.
Athugasemdir
