Havertz er enn lykilmaður í þýska landsliðinu og lagði upp eina mark Þýskalands í 1-0 sigri á Rúmeníu í undankeppni EM í gær.

Chelsea borgaði 70 milljónir punda fyrir Havertz sem er enn aðeins 21 árs gamall en hefur ekki alveg náð að sýna sínar bestu hliðar í London.

„Þetta tímabil hefur verið erfitt. Ég veit að hlutirnir hafa ekki gengið svo vel fyrir sig," sagði Harvertz.

„Ég held að það sé eðlilegt þegar þú ferð erlendis í fyrsta skiptið, það tekur hálft ár eða meira að aðlagast."

„Hlutirnir eru að ganga vel þessa stundina og ég vil ekki pæla of mikið í neikvæðri fortíð. Ég er vongóður um að næstu vikur verði alveg jafn góðar."