KA 3 - 1 Vestri
0-1 Jeppe Gertsen ('45+3)
1-1 Rodrigo Gomes Mateo ('48)
2-1 Hans Viktor Guðmundsson ('54)
3-1 Bjarni Aðalsteinsson ('64)
0-1 Jeppe Gertsen ('45+3)
1-1 Rodrigo Gomes Mateo ('48)
2-1 Hans Viktor Guðmundsson ('54)
3-1 Bjarni Aðalsteinsson ('64)
Lestu um leikinn: KA 3 - 1 Vestri
KA og Vestri áttust við í eina leik kvöldsins í 16-liða úrslitum Mjólkurbikars karla og voru heimamenn sterkari aðilinn í leiknum.
KA komst nálægt því að taka forystuna í fyrri hálfleik en tókst ekki, þess í stað komust gestirnir frá Ísafirði yfir skömmu fyrir leikhlé, með skalla frá Jeppe Gertsen eftir góða aukaspyrnu frá Benedikt Warén.
Vestri missti Friðrik Þóri Hjaltason og Elmar Atla Garðarsson í meiðsli í fyrri hálfleiknum.
Akureyringar skiptu um gír í síðari hálfleik og tók þá aðeins þrjár mínútur að jafna viðureignina. Þar var Rodri á ferðinni þegar hann skoraði eftir fyrirgjöf frá Birgi Baldvinssyni.
KA tók forystuna skömmu síðar þegar Hans Viktor Guðmundsson skallaði hornspyrnu Daníels Hafsteinssonar í netið og tíu mínútum eftir það fullkomnaði Bjarni Aðalsteinsson endurkomuna með laglegu marki beint úr aukaspyrnu.
Viðar Örn Kjartansson kom inn á 60. mínútu og fékk færi til að skora en hitti boltann ekki nægilega vel.
Meira var ekki skorað á Greifavellinum og niðurstaðan verðskuldaður 3-1 sigur KA.
Athugasemdir